အာဆင်နယ်အသင်းနည်းပြ အာတီတာက အသင်းနဲ့စာချုပ်သစ်အခြေအနေကို ထုတ်ဖော်ပြောကြားလိုက်ပါတယ်။
အာတီတာ နဲ့ အာဆင်နယ်တို့ကြား စာချုပ်သက်တမ်းက နောက်ဆုံးနှစ်ထဲရောက်နေပြီး စပိန်သားက အသင်းမှာဆက်နေဖို့များနေပါတယ်။
ဒါပေမယ့်လည်း စာချုပ်သက်တမ်းတိုးဖို့အတွက် သဘောတူညီမှုရရှိခဲ့ပြီဆိုတဲ့ သတင်းတော့ မကြားရသေးတာဖြစ်ပါတယ်။
အာတီတာဟာ ၂၀၁၉ ဒီဇင်ဘာတုန်းက အာဆင်နယ်အသင်းကို စတင်တာဝန်ယူခဲ့တာဖြစ်ပြီး နောက်ဆုံး ၂ ရာသီဆက် ချန်ပီယံဆုနဲ့နီးစပ်အောင် စွမ်းဆောင်ပေးနိုင်ခဲ့ပါတယ်။
အာဆင်နယ်ပရိသတ်တွေကတော့ အာတီတာနဲ့စာချုပ်သစ်အနေအထားကို အလျင်အမြန်အပြီးသတ်ဖို့ အလိုရှိနေပါတယ်။
“အခုတော့ အပြောင်းအရွှေ့အပေါ်မှာပဲ အာရုံစိုက်ထားပါတယ်။ ကျွန်တော်တို့ အများကြီးဆွေးနွေးနေသလို လုပ်ဆောင်နေပါတယ်။ အခုချိန်မှာ အဲ့ကိစ္စတွေကိုပဲ အာရုံစိုက်ထားပါတယ်။
အပြောင်းအရွှေ့အပြီးသတ်ရင်တော့ စာချုပ်ကိစ္စဆွေးနွေးမှာပါ”လို့ အာတီတာက ဖြေကြားခဲ့ပါတယ်။ အာဆင်နယ်ဟာ အပြောင်းအရွှေ့မပိတ်ခင် အလုပ်များနေပြီး မာရီနိုကို ခေါ်ယူထားနိုင်ခဲ့ပြီဖြစ်ပါတယ်။
လာမယ့်အပတ်မှာ အာဆင်နယ်ဟာ ဒုတိယမြောက်ပွဲအဖြစ် ဗီလာအသင်းနဲ့အဝေးကွင်းပွဲကန်ရမှာဖြစ်ပါတယ်။
