အသက် 23 နှစ် ရှိနေပြီ ဖြစ်တဲ့ အင်္ဂလန် လက်ရွေးစင် တောင်ပံ တိုက်စစ် ကစားသမား ဖြစ်သူ ဂျေဒန် ဆန်ချို ဟာ ဒေါ့မွန် အသင်းမှ မန်ချက်စတာ ယူနိုက်တက် အသင််းဆီ ပြောင်းလာခဲ့တဲ့နောက် ခြေစွမ်းကောင်း ပြသနိုင်ဖို့ ရုန်းကန်ခဲ့ရပါတယ် ။
သူဟာ မန်ချက်စတာ ယူနိုက်တက် အသင်းဆီ ရောက််လာခဲ့တဲ့နောက် ပြိုင်ပွဲစုံ 75 ပွဲအထိ ပါဝင် ကစားထားခဲ့ရာမှာ ကိုယ်တိုင် 11 ဂိုး သွင်း ၊ 5 ကြိမ်သာ ဂိုး ဖန်တီးပေးထားနိုင်ခဲ့ပါတယ် ။ ဒါ့ဟာ ပေါင် 72.9 သန်းနဲ့ ပြောင်းရွှေ့ခဲ့တဲ့ ကစားသမားအတွက် ဝေဖန်စရာ ဖြစ်ခဲ့ရပါတယ် ။
ယူနိုက်တက် နည်းပြဟောင်း အိုလီ ဂန်နာ ဆိုးလ်ရှား က အင်္ဂလန်သားကို ညာတောင်ပံတိုက်စစ် ပြသနာကို ကာလရှည် ဖြေရှင်းပေးနိုင်မယ့် ကစားသမား အဖြစ် သတ်မှတ်ခဲ့ပါသေးတယ် ။ ဒါပေမဲ့ ကစားသမား ကိုယ်တိုင်က မျှော်လင့်ထားသလို မတောက်ပနိုင်ခဲ့ပါဘူး ။
ဒါ့ကြောင့် ယူနိုက်တက် နည်းပြသစ် အဲရစ် တန်ဟတ် က အဆိုပါ နေရာအတွက် အေဂျက်ဇ်အသင်းမှ တပည့်ဟောင််း ဖြစ်သူ အန်တိုနီ ကို ခေါ်ယူပြီး အင်အားဖြည့်တင်းခဲ့လိုက််တာပဲ ဖြစ်ပါတယ် ။ အဲ့ဒီနောက် ဆန်ချို ရဲ့ ပွဲထွက်ခွင့်တွေ အကန့်အသတ် ဖြစ်သွားခဲ့ရပါတယ် ။
အခုတော့ သူဟာ လာမယ့်နွေမှာ မန်ချက်စတာ ယူနိုက်တက် အသင်းမှ ထွက်ခွာကောင်း ထွက်ခွာသွားနိုင်တယ်လို့ ဖော်ပြနေခဲ့ ကြပါသေးတယ် ။ ဒါပေမဲ့ ယူနိုက်တက် ဂန္တဝင် ဖာဒီနန် က သူ့ရဲ့ မြင့်မားတဲ့ လစာကြောင့် အပြောင််းအရွှေ့ ဖြစ်လာမှာ မဟုတ်ကြောင်း နဲ့ ဖြစ်နိုင်ခြေ ရှိတဲ့ တစ်ခုတည်းသော နည်းလမ်းကို ပြောခဲ့လိုက်ပါတယ် ။
” အချက်အလက် တစ်ခုကို ပြောပြရမယ်ဆိုရင် ဆန်ချိုလို ကစားသမားမျိုး အတွက် ပေးချေရတဲ့ လစာငွေ ဟာ မြင့်မားလှပါတယ် ။ သူ့လို ကစားသမားမျိုးကို အသင်းမှ ထွက်ခွာစေဖို့ ဆိုတာကြီးက ခက်ခဲလွန်းလှပါတယ် ”
” အကယ်လို့ တစ်စုံတစ်ယောက်က သူ့ရဲ့ကစားပုံကို ကြည့်ရှုပြီး မင်းက တစ်ဝက်ပဲ တန်တယ်လို့ ပြောဖြစ်မယ်ဆိုရင် သူဟာ အဲ့ဒီ လစာငွေ နဲ့ အသင်းပြောင်းမှာ မဟုတ်ပါဘူး ။ အငှား ပြောင်းရွှေ့တာမျိုးကတော့ ဖြစ်ကောင်းဖြစ်နိုင်ပါတယ် ” လို့ ဖာဒီနန် က ပြောခဲ့လိုက်ပါတယ် ။
