၎င်း၏ ကစားသမားများ အရှိန်မြှင့်နေချိန်တွင် အဲရစ်တန်ဟက်က ရာသီစတင်မှုနှေးကွေးခြင်းအတွက် ပြင်ဆင်ထားဖို့ မန်ယူပရိသတ်များကို သတိပေးလိုက်ပါတယ်။
တန်ဟက်က ဖာနန်ဒက်စ်၊ မာတီနက်ဇ် နှင့် ဂါနေချို အပါအဝင် နိုင်ငံတကာပေးပို့မှုများကြောင့် US ခရီးစဉ်အတွက် အဓိကအသင်းသား အများအပြားမရှိဖြစ်ခဲ့ရပါတယ်။
တန်ဟက်က စနေနေ့တွင် မန်စီးတီးနှင့် ကွန်မြူနတီဒိုင်းပွဲမတိုင်မီ ကစားသမားများနှင့် “စွန့်စား” မည်မဟုတ်ကြောင်း ပြောဆိုထားပြီး ပရီးမီးယားလိဂ်ရာသီစတင်ချိန်တွင် ယှဉ်ပြိုင်ရန် အချိန်ယူရနိုင်ကြောင်း အကြံပြုထားပါတယ်။
တန်ဟက် က “ကျွန်တော်တို့ အတူတူရှိချိန်တွေ မရှိတာမို့ ဒီလိုမျိုး ပြောရတာပါ”
“အခု ကျွန်တော်တို့ ဒါကို အတူတူ အတော်အားထုတ်ကြိုးပမ်းရပါမယ်။ ဒါက ရှုပ်ထွေးပါတယ်။ ကျွန်တော် တစ်ဦးတည်းက ဒီပြဿနာကို ကိုင်တွယ်ရမှာ မဟုတ်ပါဘူး၊ နိုင်ငံတကာ ကစားသမား နည်းပါးတဲ့ အသင်းတွေလည်း ရှိပါတယ်၊ သူတို့ကတော့ ရာသီကြို ကြိုတင်ပြင်ဆင်မှု ကောင်းကောင်း လုပ်နိုင်တဲ့ အသင်းတွေ ဖြစ်တာကြောင့် သူတို့က ကျွန်တော်တို့ထက် ပိုကောင်းလာနိုင်ပါတယ်။ အမှတ်တွေ မကျစေဘဲ လာမယ့် ရက်သတ္တပတ်တွေမှာ ဒါကို ကိုင်တွယ်ဖြေရှင်းရပါမယ်။” ဟု ပြောကြားခဲ့တာ ဖြစ်ပါတယ်။
တန်ဟက် သည် ရာသီအစမှာ ဒဏ်ရာရရှိထားသော အတွဲဖြစ်သည့် လီနီ ယိုရို နှင့် ရာစ်မို့စ် ဟိုလွန်း တို့ မရှိဘဲ ဖြစ်ပါလိမ့်မယ်။ ဟယ်ရီ မက်ဂွိုင်းယား၊ လုခ်ရှော၊ ဗစ်တာ လင်ဒယ်လော့ဖ် နှင့် အေရွန်-ဝမ်-ဘစ်ဆာကာ တို့သည် မာတီနက်ဇ်၊ ဒါးလော့ တို့အား ဝင်ဘလေတွင် မန်ယူ၏ စီနီယာနောက်ခံလူများအဖြစ်သာ ချန်ထားနိုင်သည့် မန်စီးတီးကို ရင်ဆိုင်ရန် သံသယများနေကြပါတယ်။
မန်ယူ၏ ပရီးမီးယားလိဂ်ပြိုင်ပွဲသည် သြဂုတ် ၁၆ ရက်တွင် ဖူလ်ဟမ်နှင့် အိမ်ကွင်းပွဲစဉ်၌ စတင်မည်ဖြစ်ပြီး ကွန်မြူနတီဒိုင်းကို ဆွတ်ခူးရန် နောက်ထပ် ဒဏ်ရာများ ထပ်မံရရှိလို့ မဖြစ်သေးကြောင်း တန်ဟက် က ပြောကြားခဲ့တယ်လို့လည်း သိရပါတယ်။
