ယူနိုက်တက်နည်းပြ တန်ဟက်က ဖူလ်ဟမ်ကိုအနိုင်ရခဲ့တဲ့ပွဲမှာ မက်ဂွါရီကို လူစားလဲခဲ့ရတဲ့အကြောင်းအရင်းကို ရှင်းပြလိုက်ပါတယ်။
အင်္ဂလန်သားဟာ ဖူလ်ဟမ်နဲ့ပွဲမှာ စွမ်းဆောင်ရည်ကောင်းတွေပြသနိုင်ခဲ့ပေမယ့် မိနစ် ၉၀ အပြည့်တော့ ပါဝင်ခွင့်မရခဲ့တာဖြစ်ပါတယ်။
တန်ဟက်ကတော့ အင်္ဂလန်သားကို ပွဲကစားချိန် ၈၁ မိနစ်မှာ ဂျွန်နီအီဗန်နဲ့လူစားလဲခဲ့ပါတယ်။ အဆိုပါလူစားလဲမှုနဲ့ပတ်သက်ပြီး တန်ဟကက်က သတင်းထောက်တွေကိုဖြေကြားရာမှာ ဒဏ်ရာကြောင့် လူစားလဲခဲ့တာမဟုတ်ဘူးလို့ ရှင်းပြခဲ့ပါတယ်။
မာကိုဆေးလ်ဗားရဲ့အသင်းကို ၁-၀ နဲ့အနိုင်ရရှိခဲ့ရာမှာ ကစားသမားသစ် ဇက်ဇ်ဇီးက အဖွင့်ဂိုးကို သွင်းယူပေးခဲ့ပါတယ်။
ပွဲအပြီးသတင်းထောက်တွေကိုပြောကြားရာမှာ တန်ဟက်က “ဒဏ်ရာမရပါဘူး။ ဒါပေမယ့် ကျွန်တော်တို့သူ့ကိုလူစားလဲခဲ့တာက သူ့မှာပြဿနာရှိနေတာကြောင့်ပါ။
ဒဏ်ရာမရခင် ကြိုတင်ကာကွယ်တဲ့အနေနဲ့ လူစားလဲခဲ့တာပါ။ ဒီနေ့နိုင်ပွဲက အရမ်းအရေးကြီးပါတယ်။ မှန်ပါတယ်။ သူဒဏ်ရာမရခဲ့တာကြောင့် ကျွန်တော်ပျော်ပါတယ်”လို့ တန်ဟက်က ဖြေကြားခဲ့ပါတယ်။
ယူနိုက်တက်ဟာ လာမယ့်သြဂုတ်လ ၂၄ ရက်နေ့မှာ ဘရိုက်တန်အသင်းနဲ့အဝေးကွင်းပွဲကန်ရမှာဖြစ်ပါတယ်။
