ယာဂန်ကလော့ပ်ရဲ့ လီဗာပူးလ်က ဆာလာ-မာနေ-ဖေမီနို တိုက်စစ်တွဲနဲ့ အောင်မြင်မှုတွေ ရယူခဲ့တယ်။ သူတို့ (၃) ဦး တွဲကစားခဲ့တဲ့ (၆) ရာ သီအတွင်း လီဗာပူးလ်အသင်းဟာ ချန်ပီယံလိဂ်၊ ပရီးမီးယားလိဂ်၊ FA ဖလား၊ လိဂ်ဖလား၊ ဥရောပ စူပါဖလား၊ ဖီဖာကလပ်ကမ္ဘာ့ဖလား စတဲ့ ဖလား (၆)လုံး ရယူခဲ့တယ်။
(၆) ရာသီ တွဲကစားပြီးနောက်မှာတော့ ဆာလာ၊ မာနေနဲ့ ဖေမီနိုတို့ (၃) ဦးစလုံး အသက် (၃၀)ကျော်သွားပြီဖြစ်ပြီး အခုတော့ မာနေ ဘိုင်ယန်မြူးနစ်ထံသို့ ပြောင်းရွှေ့မှုနဲ့အတူ လီဗာပူးလ်ရဲ့နာမည်ကျော်တိုက်စစ်တွဲဟာလည်း တစ်ခန်းရပ်သွားခဲ့ပါပြီ။
ဒါပေမဲ့ ကလော့ပ်ဟာ မာနေရဲ့ ပရိုပီသမှုကြောင့် လီဗာပူးလ်ရဲ့တိုက်စစ်ကို ကြိုတင်ပြင်ဆင်ခွင့်ရခဲ့တယ်။ မာနေဟာ လီဗာပူးလ်က ထွက်ခွာဖို့အတွက် တစ်နှစ်ကြိုပြီး အသိပေးခဲ့တာကြောင့် ကလော့ပ်အနေနဲ့ တိုက်စစ်ပိုင်းကို အချိန်ယူပြင်ဆင်ခွင့်ရခဲ့တာပါ။
- Advertisement - 
