မန်ချက်စတာ ယူနိုက်တက် အသင်းရဲ့ တောင်ပံ တိုက််စစ် ကစားသမား ဖြစ်သူ မားကပ်စ် ရပ်ရှ်ဖို့ဟာ နောက်ဆုံး ကစားခဲ့တဲ့ ပြိုင်ပွဲစုံ 10 ပွဲ အတွင်း 10 ဂိုး အထိ သွင်းယူထားနိိုင်ခဲ့ပြီး ဒီရာသီ အသင်းအတွက် 18 ဂိုး အထိ သွင်းယူပေးထားနိုင်ခဲ့ပြီပဲ ဖြစ်ပါတယ် ။
ဒါဟာ သူ့ရဲ့ ကစားသမား ဘဝ အကောင်းဆုံး မှတ်တမ်း ဖြစ်ခဲ့ရတဲ့ 2019-20 တုန်းက စုစုပေါင်း သွင်းဂိုး 20 ဂိုးကို လိုက်မီဖို့ 4 ဂိုးသာ လိုနေတော့တာပဲ ဖြစ်ပါတယ် ။ ပြီးဆုံးခဲ့တဲ့ ဘောလုံးရာသီတုန်းကတော့ သူဟာ ယူနိုက်တက် အတွက်် စုစုပေါင်း 5 ဂိုးသာ သွင်းယူထားနိုင်ခဲ့ပါတယ် ။
ဒါဟာ ပြီးခဲ့တဲ့ ဘောလုံးရာသီထက်စာရင် သိသိသာသာ တိုးတက်လာခဲ့ရတာပဲ ဖြစ်ပါတယ် ။ ဒီအတွက် သူဖက်မှ ဘယ်လိုမျိုး အကူအညီတွေ ပေးဆောင်ခဲ့သလဲလို့ အမေးခံလိုက်ရချိန်မှာတော့ အဲရစ် တန်ဟတ် က သူဟာ ဟယ်ရီ ပေါ်တာ မဟုတ်ကြောင်း ဟာသလုပ်ခဲ့လိုက်ပါတယ် ။
” ကျွန်တော်က ဟယ်ရီ ပေါ်တာ မဟုတ်ရပါဘူး ။ အခုလို လုပ်ပြနိုင်ဖို့အတွက် လိုအပ်တာက ယုံကြည်မှုပါပဲ။ အသင််းမှာ ရှိနေတဲ့ ကစားသမားတိုင်း အနေနဲ့ ယုံကြည်မှု ရှိနေဖို့ လိုအပ်ပြီး ယုံကြည်မှု မြင့်တက်လာအောင် ကြိုးစားရမှာပါပဲ ”
” ဒီအတွက် ရပ်ရှ်ဖို့ တိုက်ပွဲဝင်ခဲ့သလို အချိန်တွေလည်း ရင်းနှီးမြှုပ်နှံခဲ့ရပါတယ် ။ ဟုတ်ပါတယ် ၊ ကျွန်တော်တို့ရဲ့ နည်းပြ အဖွဲ့ဝင်တွေက တည်ဆောက်မှု တစ်ခုကို လုပ်ခဲ့ရတာပါ ။ သူတို့အတွက် လုပ်ငန်းစဥ် တစ်ခုကို သတ်မှတ်ရင််း မှန်ကန်တဲ့ နေရာကို ရောက်အောင် လမ်းညွှန်ပေးနေခဲ့ရပါတယ် ”
” ဒါပေမဲ့ အဆုံးသတ်မှာတော့ ဒါဟာ သူတို့တွေ အပေါ်ပဲ မူတည်နေပါတယ် ။ အကယ်လို့ ကစားသမားတွေ ယုံကြည််မှု ရှိနေကြရင် ကျွန်တော်တို့လည်း ယုံကြည်ချက် အပြည့်နဲ့ အလုပ်လုပ်တဲ့ နည်းလမ်းအပေါ် လျှောက်လှမ်းနိုင်မယ််လေ ။ ဘောလုံးမှာ ဘယ်လို နည်းနဲ့ ကစားမလဲဆိုတာက အရေးကြီးလှပါတယ် ”
” ပြီးတော့ ပတ်ဝန်းကျင်နဲ့ အသင်းရဲ့ယဥ်ကျေးမှုတွေကလည်း အရေးကြီးတယ်လေ ။ အဲ့လိုဆိုရင် ကစားသမားတွေလည်း အကောင်းဆုံး စွမ်းရည်ကို ထုတ်ပြနိုင်ပါလိမ့်မယ် ။ လက်ရှိ အချိန်မှာ မားကပ်စ် အကောင်းဆုံး လုပ်ပြနေနိုင်တယ်ဆိုတာက ထင်ရှားလှပါတယ် ”
” နေ့စဥ့်နေ့တိုင်း ၊ လေ့ကျင့်မှုတွေ လုပ်ပြီးတိုင်း ၊ ပွဲစဥ်တွေ ကစားပြီးတိုင်း ကျွန်တော်တို့ရဲ့ အချိန်ဇယားတွေက ပိုပြီး မှန်ကန်လာခဲ့ရပါတယ် ။ အခု အသင်းရဲ့ တိုက်စစ်ပိုင်းကလည်း ကျွန်တော့်ကို အပေါင်း လက္ခဏာ ဆောင်ကျဥ်းတဲ့ ခံစားချက်တွေ ပေးဆောင်နေတယ်လေ ”
” အသင်းဟာ ပိုပြီးတောင့်တင်းလာခဲ့ရပါပြီ ။ သူတို့တွေ အချင်းချင်းလည်း တစ်ဦးဆီက တစ်ဦး အကျိုးကျေးဇူးတွေ ရရှိနေခဲ့ကြပါပြီ ။ ရာသီအစပိုင်းတုန်းက တိုက်စစ်နဲ့ ပတ်သက်လို့ ကျွန်တော်တို့မှာ ပြသနာ အများကြီး ရှိနေခဲ့ရတယ်လေ ။ ပွဲကစားတဲ့အချိန်မှာ ရာနှုန်းပြည့် ကြံ့ခိုင်သူ နည်းပါးခဲ့ရပါတယ် ”
” အခုတော့ အားလုံးနီးပါး ကြံ့ခိုင်နေကြတာ ဖြစ်တဲ့အတွက်် တစ်ဦးကို တစ်ဦး ကူညီရာကနေ မားကပ်စ်လည်း ဒီထက်် ပိုပြီး အကျိုးကျေးဇူးတွေ ခံစားရဖို့ ရှိနေပါတယ် ။ အသင််းမှာ ဒီလို နည်းပြ အဖွဲ့ဝင်တွေ ရှိနေတဲ့ အတွက်လည်း ကျွန်တော် တကယ်ပဲ ပျော်ရွှင်ရပါတယ် ” လို့ တန်ဟတ် မှ ပြောရင်း မက်ဂွားယား နဲ့ ပတ်သက်လို့…
” နိုး ၊ သူဟာ ဦးစားပေး နံပါတ် 5 မဟုတ်ပါဘူး ။ ဒါတွေက သူ့အပေါ် မူတည်ပါတယ် ။ သူ လေ့ကျင့်ပုံ ကောင်းမွန်နေခဲ့တယ်လို့ ကျွန်တော် ပြောချင်ပါတယ် ။ သူက အရည််အသွေးကောင်းတွေ ယူဆောင်လာတယ်လေ ။ အသင််းသားတွေဆီက ကျွန်တော် လိုချင်တာ အဲ့တာပါပဲ ”
” နေရာ တစ်ခုကို ရယူနိုင်ဖို့ သူ ကြိုးစားပြီး တိုက်ပွဲဝင်ရပါ့မယ် ။ တခါတလေမှာ အပြောင်းအလဲတွေဟာ အရမ်းကို မြန်ဆန်သွားတတ်ပါတယ် ။ သူဟာ ကြိုးစားနေဆဲပါ ။ ပွဲထွက်ခွင့် ရရှိရေးကတော့ သူ့အပေါ်ပဲ မူတည်ပါတယ် ။ ကမ္ဘာ့ ဖလား ပြီးကတည်းက သူ ပွဲထွက်ခွင့်တွေ ရခဲ့သင့်ပါတယ် ၊ ဒါပေမဲ့ သူနေမကောင်းဖြစ်သွားတယ်လေ ”
” ဒီအတွက် ကျွန်တော် ဘာမှ လုပ်ပေးလို့ မရနိုင်တာ သူလည်း သိပါတယ် ။ အဲ့ဒီနောက် ပွဲတွေ ဆက်တိုက် ကစားခဲ့ရပြီး သူလည်း အခွင့်အရေး ရရှိဖို့ စောင့်ဆိုင်းခဲ့ရပါတယ်် ။ ဒါက ဘောလုံးရဲ့ ဥပဒေ တစ်ခုပါပဲ ။ ကစားခွင့်တွေ ရရှိနိုင်ဖို့ အချိန်ပေးရမှာပါ ” လို့ တန်ဟတ် က ပြောခဲ့တာပဲ ဖြစ်ပါတယ် ။
