နိုင်ငံတကာ အားလပ်ရက်တွေအပြီးမှာ အာဆင်နယ်အသင်းအနေနဲ့ စိတ်ဓာတ်မြှင့်တင်ပေးမယ့် အောင်ပွဲတစ်ခု လိုအပ်နေပြီး ဆာကာက အိမ်ရှင်အသင်းကို အမ်းမရိတ်စ်မှာ ပီတိဖြစ်စေဖို့ အိပ်မက်တစ်ခုဆီ အရောက်လှမ်းနိုင်ခဲ့ပါတယ်။
အင်္ဂလန်တိုက်စစ်မှူးဟာ အိုဒီဂတ်နှင့်တွဲဖက်ပြီး အကောင်းဆုံးကစားကာ ပွဲကစားချိန် ၁၅ မိနစ်တွင် ဂိုးအဖြစ်ကန်သွင်းယူခဲ့ပြီး ပြိုင်ဘက်ဂိုးသမား ဆဲလ်စ်အနေနဲ့ ကာကွယ်နိုင်ခြင်းမရှိခဲ့ပါဘူး။
ဧည့်သည်အသင်းဟာ ကွင်းတစ်ဝက်အထိ ထိန်းထားနိုင်ခဲ့ပေမယ့် အချိန်ကြာကြာ ထိန်းနိုင်ခြင်းမရှိခဲ့ဘဲ ပွဲကစားချိန် ၅၂ မိနစ်မှာ ဂျော်ဂျင်ဟိုအစား ဝင်ရောက်လာခဲ့တဲ့ ပါတေးက အသင်းအတွက် ဒုတိယဂိုးကို သွင်းယူပေးခဲ့ပါတယ်။
ဆယ်ကျော်သက်အရွယ် နွမ်နာရီက သူ့ရဲ့ဂုဏ်သတင်းကို ပိုမိုမြှင့်တင်ရန်အတွက် ပွဲပြီးခါနီး ၈၆ မိနစ်တွင် မြောက်လန်ဒန်ကလပ်အတွက် တတိယမြောက်သွင်းဂိုးကို သွင်းယူပေးခဲ့ပါတယ်။
ကလပ်အသင်းခေါင်းဆောင် အိုဒီဂတ်ဟာ ဒဏ်ရာကနေ ပြန်လည်သက်သာလာပြီးနောက်ပိုင်း ဒုတိယမြောက် စတင်ကစားမှုကို လုပ်ဆောင်နေပြီး နော်ဝေကွင်းလယ်ကစားသမားဟာ ကွင်းလယ်၌ ထူးခြားသည့်ပုံစံကိုပြသခဲ့ပြီး ဖောရက်စ်နည်းပြ နူနိုဆန်းတို့စ်ရဲ့ ချီးကျူးမှုကိုပင် ရရှိခဲ့ပါတယ်။
Sky Sports News တွင် အာဆင်နယ်ရဲ့ ခြေစွမ်းကို မာဆင်က ခွဲခြမ်းစိတ်ဖြာခဲ့ပြီး ကွင်းထဲတွင် အိုဒီဂတ် ပါဝင်လာတဲ့အခါ ဆာကာရဲ့ကစားပုံက ကွဲပြားခြားကြောင်း အသားပေးပြောကြားလိုက်ပါတယ်။
“သူတို့က ထူးချွန်တယ်လို့ ကျွန်တော်ထင်ခဲ့ပါတယ်။ ပထမပိုင်းမှာတော့ သူတို့ဟာ တကယ်ကို ကောင်းကောင်းနဲ့ စတင်ခဲ့ပြီး လုံးဝကိုအနိုင်ရရရှိရမယ့်ပွဲဖြစ်ပါတယ်။ ကျွန်တော့်အတွက်တော့ ဒါဟာ နောက်ဆုံးအခွင့်အရေးပါပဲ အခုဆက်ပြီးအနိုင်ရဖို့နဲ့ ပွဲကိုကောင်းမွန်စွာနဲ့ စတင်နိုင်ခဲ့ပါတယ်”
“ဆာကာရဲ့ လှပတဲ့ဂိုးပါ။ အိုဒီဂတ်ဝင်ရောက်ကစားတဲ့အချိန်မှာဆိုရင် ဆာကာက လုံးဝကို ကွဲပြားခြားနားတဲ့ ကစားသမားဖြစ်သွားပါပြီ”
“အိုဒီဂတ် ပါဝင်ပြီး သူတို့နှစ်ဦးစလုံး ခြေစွမ်းပြကစားတဲ့အခါ အရမ်းကိုကောင်းပါတယ်။ ဆာကာက အရမ်းကောင်းတဲ့ ဂိုးကို သွင်းယူခဲ့တာပါ” လို့ အာဆင်နယ်နဲ့ အင်္ဂလန်ကွင်းလယ်ကစားသမားဟောင်းက ဆိုပါတယ်။
အင်္ဂါနေ့ စပို့တင်းမှာကစားမယ့် ချန်ပီယံလိဂ်ပွဲမတိုင်ခင် အာဆင်နယ်အတွက် ကောင်းမွန်ခဲ့တဲ့ ဒုတိယပိုင်းလို့ မာဆင်က ယုံကြည်နေပါတယ်။
“သူတို့က ဒုတိယဂီယာနဲ့ မျှတအောင် ကစားနေပြီး နောက်ဆုံးမှာတော့ ပါတေး ဝင်ရောက်လာကာ နောက်ထပ် ပုံစံတစ်ခုကို ရခဲ့ပါတယ်”
“ပြီးတော့ အသက် ၁၇ နှစ်အရွယ် နွမ်နာရီပါ။ ဒီကောင်လေးက ဘယ်လောက်တောင် အရည်အချင်းရှိလိုက်လဲ သူက ဂိုးကောင်းကောင်း ရသွားခဲ့တာပါ”
“သူတို့အနိုင်ရဖို့ လိုအပ်ပါတယ် သွင်းဂိုးတွေကိုပြသပြီး သီတင်းပတ် အလယ်လောက်မှာ အဆင်သင့်ဖြစ်ဖို့အတွက် နည်းနည်းတော့ ခြေလှမ်းပြင်ရမှာပါ” လို့ မာဆင်က ပြောပါတယ်။
နောက်ထပ် အနေနဲ့ မာဆင်က “သူတို့မှာ ပွဲကောင်းတချို့ ရှိလာပါပြီ။ သူတို့ရဲ့ နောက်ထပ် ၇ ပွဲ ဒါမှမဟုတ် ၈ ပွဲကို ကြည့်ပြီး သူတို့အားလုံး နီးနီးကပ်ကပ် အနိုင်ရဖို့ မျှော်လင့်ထားမယ် ဒါမှမဟုတ် တစ်ပြိုင်နက်တည်း လုပ်ချင်ရင်တော့ တကယ်ပဲ သရေဖြစ်နိုင်ပါတယ်”
“သူတို့က ခက်ခက်ခဲခဲ စတင်ခဲ့ရတာပါ။ ပြီးခဲ့တဲ့ရာသီက ထိပ်ဆုံး ၅ သင်းတွင် စလုံးနဲ့ ယခုရာသီတွင် ကစားထားပြီးဖြစ်ကာ ဘုန်းမောက်နှင့်အဝေးကွင်းမှာ ကစားရတာက လွယ်ကူတဲ့ ပွဲတော့မဟုတ်ပါဘူး”
“အခုတော့ ပွဲတွေက နည်းနည်း ပိုလွယ်လာပါတယ် သူတို့က ဆက်ပြီး အနိုင်ရ ရမှာပါ”
“သူတို့က ထူးချွန်ပါတယ် ဒီရာသီတွေ့ဖူးတာ အကောင်းဆုံးပါပဲ။ အိုဒီဂတ်က ကွဲပြားခြားနားချက်တွေကို ဖန်တီးပေးပြီး ဆာကာက လုံးဝကို ကွဲပြားသွားတဲ့ ကစားသမားပါ။ သူက ထူးချွန်တယ်လို့ ကျွန်တော်ထင်ခဲ့ပြီး ဒါဟာ တကယ့်တကယ်ကောင်းတဲ့ရလဒ်တစ်ခုပဲလို့ ထင်ပါတယ်” လို့ ပြောပါတယ်။
