အင်္ဂါနေ့ (မြန်မာစံတော်ချိန် မေ ၃) က အမ်းမရိတ်ကွင်းမှာ အာဆင်နယ်နဲ့ချဲလ်ဆီးတိုကစားခဲ့ကြတဲ့ လန်ဒန်ဒါဘီပွဲစဉ်မှာ ချဲလ်ဆီးကြယ်ပွင့် မိုင်ခေလို မူဒရစ် ရဲ့မျက်နှာကို လေဆာရောင်ခြည်နဲ့ ထိုးခဲ့တဲ့ အာဆင်နယ်ပရိသတ်တစ်ဦး ဖမ်းဆီးထိန်းသိမ်းခံခဲ့ရပါတယ်။
ဘာဖြစ်တာလဲ? ပြိုင်ပွဲအရပ်ရပ်မှာ ခြောက်ပွဲဆက်တိုက် ရှုးနိမ့်ခဲ့တဲ့ ချဲလ်ဆီးအသင်းက ၃-၁ နဲ့ ရှုးနိမ့်ခဲ့တဲ့၎င်းပွဲစဉ်မှာ မူဒရစ် ကို ဒုတိယပိုင်း နောက်ဆုံး ၁၉ မိနစ်ကို လူစားလဲကစားစေခဲ့တာဖြစ်ပါတယ်။
ပိုကြီးသောပုံလွှာ- ရုပ်မြင်သံကြားဓာတ်ပုံတွေက သူကွင်းထဲမှာရှိနေတုန်း အစိမ်းရောင်လေဆာဘောပင်နဲ့ ပစ်မှတ်ထားခံရတာကို ပြသခဲ့ပြီး မူဒရစ်က နောက်ပိုင်းမှာ သူက “အဆင်ပြေပါတယ်” လို ဆိုရှယ်မီဒီယာမှာ တင်ခဲ့ပါတယ်။
အာဆင်နယ်အသင်းက ယခုဖြစ်ရပ်အပြီးတွင် ကြေငြာချက်ထုတ်ပြန်ခဲ့ပြီး ပွဲအပြီးတွင် သူတို၏ ပရိသတ်တစ်ဦးအား ဖမ်းဆီးခဲ့ကြောင်း အတည်ပြုခဲ့ပြီး အဆိုပါဖြစ်ရပ်အား အန္တရာယ်ရှိပြီး လုံးဝလက်မခံနိုင်ကြောင်း ထုတ် ပြန်ခဲ့ပါတယ်။
သူတိုဘာပြောသလဲ- “မနေ့ညက ယှဉ်ပြိုင်ကစားခဲ့တဲ့ပွဲအတွင်း လေဆာအသုံးပြုမှုအပြီး ဖမ်းဆီးမှုကို ပြုလုပ်ခဲ့တာပါ” ဟု ထုတ်ပြန်ချက်တွင် ဖော်ပြထားပါတယ်။
“ဒီအပြုအမူက အန္တရာယ်ရှိပြီး လုံးဝလက်မခံနိုင်ပါဘူး။ ရဲတပ်ဖွဲကို သူတိုရဲ့ စုံစမ်းမေးမြန်းမှုတွေကို အပြည့်အဝ ထောက်ခံမှာ ဖြစ် ပြီး သင့်လျော်သလို အရေးယူသွားမှာပါ” လိုလည်း ဖော်ပြပါရှိပါတယ်။
မူဒရစ် ဟာ ဇန်န၀ါရီလတွင် အာဆင်နယ်သို ပြောင်းရွှေ့ရန် စိတ်ကူးရှိခဲ့သော်လည်း ချဲလ်ဆီးက ပြိုင်ဘက်အသင်းတွေကို အပြောင်းအရွှေ့ကာလအဆုံးတွင် ကျော်ဖြတ်ခဲ့တာကြောင့် နောက်ဆုံးမှာတော့ ချဲလ်ဆီးနဲ့ စာချုပ်ချုပ်ခဲ့တာဖြစ်ပါတယ်။ ယူကရိန်းလက်ရွေးစင်ကစားသမားဟာ အင်္ဂါနေ့ညတွင် အရန်ခုံမှ ဆင်းလာပြီးနောက် ဘောလုံးကိုထိမိတိုင်း ကဲ့ရဲ့လှောင်ပြောင်ခြင်းခံခဲ့ရပါတယ်။
