ဂန်းနားဟောင်း ဆက်စ်ဖာဘရီဂက်စ် ကတော့ ဒီတစ်ပတ် အိုးထရက်ဖိုဒ့် မှာ ကစားမယ့် ပွဲမှာ အာဆင်နယ် အသင်းဟာ မန်ယူနိုက်တက် ထက် အစစအရာရာ သာလွန် ကောင်းမွန်လွန်းနေတာကြောင့် ဂန်းနားတို့ပဲ သက်သောင့်သက်သာ အနိုင် ရသွားလိမ့်မယ်လို့ ခန့်မှန်း သွားခဲ့ပါတယ် ။
အာဆင်နယ် အသင်းဟာ လက်ရှိ အချိန်မှာ မန်ချက်စတာ စီးတီး အသင်းထက် တစ်ပွဲ ပို ကစား ၊ တစ်မှတ် အသာ နဲ့အမှတ်ပေး ဇယား ကို ဦးဆောင် နေတဲ့ အသင်း ဖြစ်ပါတယ် ။ အာဆင်နယ် အသင်း အနေနဲ့ ချန်ပီယံ ဖြစ်ဖို့ အတွက် လက်ကျန် ၂ ပွဲစလုံးကို အနိုင် ကစားဖို့ လိုအပ်သလို တစ်ဖက်မှာလည်း မန်စီးတီး အသင်း အမှတ် လျော့ဖို့ကို မျှော်လင့် ရမှာပါ ။
အာဆင်နယ် အသင်းက လက်ကျန် ၂ ပွဲမှာ မန်ချက်စတာ ယူနိုက်တက် ၊ အဲဗာတန် တို့နဲ့ ကစားရမှာ ဖြစ်ပြီး မန်စီးတီး အသင်းကတော့ ဖူလ်ဟမ် ၊ စပါး ၊ ဝက်စ်ဟမ်း တို့နဲ့ ကစားရမှာပါ ။ ဒီတစ်ပတ် မှာတော့ အာဆင်နယ် အသင်းဟာ သူတို့ရဲ့ အစဉ်အလာ ပြိုင်ဘက်ဟောင်း မန်ချက်စတာ ယူနိုက်တက် အသင်းရဲ့ အိမ်ကွင်းမှာ သွားရောက် ကစားရမှာ ဖြစ်ပါတယ် ။
ဖာဘရီဂက်စ် က Planet Premier League Podcast မှာ ” ဒါဘီ ပွဲတွေကတော့ ဒါဘီ ပွဲအတိုင်းပါပဲ ။ ကျနော်ကတော့ ဒီပွဲကို Big Game လို့ပဲ မြင်ပါတယ် ၊ အာဆင်နယ် နှင့် ယူနိုက်တက် တို့က ထိပ်တိုက် တွေ့ဆုံတိုင်း အမြဲတမ်း ပွဲကောင်းတွေ ဖြစ်ခဲ့တာပါပဲ ၊ ယူနိုက်တက် က ခုချိန်မှာ အရင်ကလို အဆင့်အတန်းမျိုး မရှိတော့ဘူးဆိုတာ ကျနော်တို့ အားလုံး လက်ခံ သဘောတူရမှာပါ ၊ အာဆင်နယ် က ယူနိုက်တက် အတွက် သိပ်ကို အားကြီးလွန်းနေတဲ့ အသင်း ဖြစ်နေပါတယ် ။ ”
” အာဆင်နယ် က ပြီးခဲ့တဲ့ နှစ်တွေ အတွင်းမှာ ယုံကြည်မှု ပိုပြီး မြင့်မားလာခဲ့သလို အတွေ့အကြုံတွေလည်း ပိုမို ရင့်ကျက် လာခဲ့တဲ့ အသင်းပါ ။ ကျနော်ကတော့ အာဆင်နယ် အသင်း သက်သောင့်သက်သာပဲ အနိုင် ရသွားလိမ့်မယ်လို့ မြင်ပါတယ် ၊ လွယ်ကူမယ့် ပွဲတစ်ပွဲတော့ ဖြစ်မှာ မဟုတ်ပါဘူး ၊ ယူနိုက်တက် အသင်းမှာလည်း သမိုင်းကြောင်း အစဉ်အလာ ဆိုတာ ရှိပါတယ် ၊ ကျနော်တို့ ဒါကို လေးစားဖို့ လိုအပ်ပါတယ် ၊ ကျနော်ကတော့ အာဆင်နယ်ဟာ လက်ရှိမှာ ပိုပြီး အားကြီးတဲ့ အသင်း တစ်သင်း ဖြစ်နေတယ်ဆိုတာကိုပဲ ထပ်ပြောချင်ပါတယ် ။ ” လို့ ပြောကြား သွားခဲ့ပါတယ် ။
