မန်ယူအသင်း၏ ဆွီဒင်တောင်ပံကစားသမား အယ်လန်ဂါ (၂၀ နှစ်)က ပြီးခဲ့သည့် ဇန်နဝါရီအပြောင်းအရွှေ့ကာလအတွင်း မိမိအား စပိန်ထိပ်သီးကလပ် ဘာစီလိုနာအသင်းက အမှန်တကယ်စိတ်ဝင်စားခဲ့ကြောင်း ဝန်ခံပြောကြားခဲ့သည်။
ဘာစီလိုနာအသင်းသည် ပြီးခဲ့သည့် ဇန်နဝါရီအပြောင်းအရွှေ့တွင် အသင်းမှထွက်ခွာသွားသည့် ဒတ်ချ်တောင်ပံကစားသမား ဒီပိုင်း၏နေရာတွင် အစားထိုးရန် အယ်လန်ဂါအား ပစ်မှတ်ထားခဲ့ခြင်းဖြစ်ပြီး ကစားသမားနှင့် အပြောင်းအရွှေ့အတွက် ဆွေးနွေးပြောဆိုမှုများရှိခဲ့ကြောင်း စပိန်အားကစားသတင်းစာ Football Espana ကဖော်ပြခဲ့သည်။
အယ်လန်ဂါက ဘာစီလိုနာအသင်းသို့ ရောက်ရှိရန် နီးစပ်ခဲ့သော်လည်း လက်ရှိအချိန်တွင်မူ မန်ယူအသင်းအတွက်သာ အာရုံစိုက်ထားကြောင်း ပြောကြားခဲ့သည်။
- Advertisement - 
