ပရီးမီးယားလိဂ်နွေရာသီအပြောင်းအရွှေ့ကို ဇွန်(၁၄)ရက်တွင် စတင်မည်

ပရီးမီးယားလိဂ်ပြိုင်ပွဲ၏ လာမည့်ရာသီအတွက် အပြောင်းအရွှေ့စျေးကွက် ဖွင့်လှစ်မည့်နေ့ရက်များကို အတည်ပြုထုတ်ပြန်ခဲ့ရာ နွေရာသီအပြောင်းအရွှေ့ကို ဇွန်(၁၄)တွင် စတင်မည်ဖြစ်ကြောင်း သိရသည်။ 

ပရီးမီးယားလိဂ်အသင်းများအနေဖြင့် ဇွန်(၁၄)တွင် ကစားသမားခေါ်ယူမှု စတင်ပြုလုပ်နိုင်မည်ဖြစ်ပြီး စက်တင်ဘာ(၁)တွင် စျေးကွက်ပိတ်သိမ်းမည် ဖြစ်သည်။ 

ဆောင်းရာသီအပြောင်းအရွှေ့စျေးကွက်ကို ၂၀၂၄ ဇန်နဝါရီ(၁)ရက်မှ ဖေဖော်ဝါရီ(၁)ရက်အထိ ဖွင့်လှစ်မည်ဟု သိရသည်။ 

ပရီးမီးယားလိဂ်သည် ယခုနောက်ပိုင်းတွင် အပြောင်းအရွှေ့စျေးကွက်ကို ဦးဆောင်နေသည့်လိဂ်ဖြစ်ပြီး လာမည့်နွေရာသီ၌လည်း ငွေကြေးသုံးစွဲမှုများစွာ ပြုလုပ်လိမ့်ဦးမည်ဟု ထင်ကြေးပေးခံထားရသည်။

- Advertisement -