အာဆင်နယ် အသင်း နည်းပြ အာတီတာ ကတော့ ချဲလ်ဆီး နဲ့ ပွဲက ပိုလန် လက်ရွေးစင် နောက်ခံလူ ခီဝီယော ရဲ့ ပွဲဦးထွက် ခြေစွမ်း ကို အားရ ကျေနပ် မိတယ်လို့ ဆိုလိုက်ပြီး ဂါဘရီရယ် ရဲ့ ဒဏ်ရာ အခြေအနေ ကတော့ ရှင်းရှင်းလင်းလင်း မသိရသေးကြောင်း ပြောကြား သွားခဲ့ပါတယ် ။
ချဲလ်ဆီး နဲ့ ပွဲမှာ အာဆင်နယ် နည်းပြ အာတီတာ ဟာ မန်စီးတီး နဲ့ ပွဲက လူစာရင်း ကို ၃ နေရာ အထိ အပြောင်းအလဲ လုပ်ခဲ့ပြီး ဟိုးလ်ဒင်း နေရာ ခီဝီယော ၊ ပါတေး နေရာ ဂျော်ဂျင်ဟို ၊ မာတင်နယ်လီ နေရာ ထရောဆက်ဒ် တို့ကို အသုံးပြု ခဲ့ပါတယ် ။ ပြီးခဲ့တဲ့ ဇန်နဝါရီ ကမှ အာဆင်နယ် အသင်းကို ရောက်လာတဲ့ ခီဝီယော အတွက်တော့ ပရီးမီးယားလိဂ် မှာ ပထမဆုံး အကြိမ် ပွဲထွက် ကစားခွင့်ရတာ ဖြစ်ပါတယ် ။
ခီဝီယော ဟာ ချဲလ်ဆီး နဲ့ ပွဲမှာ ဆလီဘာ ကစားနေကြ နေရာ ဖြစ်တဲ့ ညာခြမ်း ဗဟိုခံစစ်မှာ ကစားခဲ့တာ ဖြစ်ပီး အာတီတာ ကတော့ ပိုလန်သားရဲ့ စွမ်းဆောင်ရည်ဟာ ကျေနပ်စရာ ကောင်းခဲ့တယ်လို့ ပြောကြား သွားခဲ့ပါတယ် ။ ” ဒါပေါ့ဗျာ ၊ သူတို့ရဲ့ ကစားပုံကို အားရကျေနပ် ပါတယ် ၊ အထူးသဖြင့် ခီဝီယော က ပရီးမီးယားလိဂ်မှာ ပွဲထွက် မကစားဖူးသေးဘဲနဲ့ ထိပ်တန်း ကစားသမားတွေနဲ့ ရင်ဆိုင် ကစားခိုင်းခဲ့တာက သူ့အတွက် ကြီးမားတဲ့ စမ်းသပ်မှု တစ်ခုတော့ ဖြစ်ခဲ့ပါတယ် ။ ”
” ဒါပေမယ့် ကျနော်တို့ သူ့အပေါ် ယုံကြည်မှု ပေးခဲ့ပါတယ် ၊ သူကလည်း ဂါဘရီရယ် နဲ့ တွဲဖက်ပီး အတွဲညီညီ ကစား နိုင်ခဲ့ပါတယ် ၊ ဂျော်ဂျင်ဟို ကြောင့်လည်း ကွင်းလယ် က ပိုမို ထိန်းချုပ် ကစား နိုင်ခဲ့ပါတယ် ၊ ကျနော့် အသင်းသားတွေရဲ့စွမ်းဆောင်ရည်အပေါ် အားရ ကျေနပ်မိပါတယ် ။ ”
ချဲလ်ဆီး နဲ့ ပွဲမှာ ဂန်းနားတို့ရဲ့ အဓိက နောက်ခံလူ ဂါဘရီရယ် ဟာ ဒဏ်ရာ ရသွားခဲ့ပြီး ဟိုးလ်ဒင်း နဲ့ လူစား လဲ ခဲ့ရပါတယ် ။ အာတီတာ က ဂါဘရီရယ် ရဲ့ ဒဏ်ရာ အခြေအနေ အပေါ် ” ကျနော် မသိပါဘူး ၊ သူ နောက်ထပ် ၁၀ မိနစ် ၁၅ မိနစ် လောက် ဆက်ကစားဖို့ ကြိုးစား ခဲ့ပါတယ် ၊ ဒါပေမယ့် သူ ဆက်ကစားဖို့ အဆင်မပြေတော့တာကြောင့် လူစားလဲ လိုက်ရတာပါ ၊ ဂါဘရီရယ် က ဒါမျိုး ဖြစ်ခဲပါတယ် ၊ ဘာလို့ဆို သူက ဖိုက်တာကြီးလေ ၊ ဒါပေမယ့် ဘာဖြစ်တာလဲ ဆိုတာ ကျနော် မသိပါဘူး ။ ”
