ဘာစီလိုနာအသင်းကတော့ ဗလန်စီယာအသင်းနဲ့အဖွင့်ပွဲမတိုင်ခင် ပီဒရီရဲ့အခြေအနေကို ထုတ်ဖော်ပြောကြားလိုက်ပါတယ်။
ပီဒရီဟာ ယူရို ၂၀၂၄ မှာ ပုံစံကောင်းပြသနိုင်ခဲ့ပေမယ့် ကံမကောင်းစွာနဲ့ တိုနီခရူးစ်နဲ့ ထိခိုက်မိခဲ့ပြီး ဒဏ်ရာရရှိခဲ့တာဖြစ်ပါတယ်။
ကနဦးသတင်းတွေအရ ဘာစီလိုနာစတားဟာ အနည်းဆုံး ၆ လကနေ ၈ လလောက်အထိ နားရနိုင်တယ်လို့ သိရပါတယ်။
ဒါ့အပြင် စပိန်သားဟာ ဘာစီလိုနာရဲ့အမေရိကရာသီကြိုခရီးစဉ်လူစာရင်းမှာလည်း မပါဝင်လာခဲ့ပဲ အခုလအစောပိုင်းမှာ လေ့ကျင့်ခန်းပြန်ဆင်းနိုင်ခဲ့တာဖြစ်ပါတယ်။
အခုတော့ အဖွင့်ပွဲမတိုင်ခင် ဘာစီလိုနာအသင်းက ကြေညာချက်ထုတ်ပြန်ရာမှာ “ပီဒရီက ဆေးအဖွဲ့ရဲ့မီးစိမ်းပြမှုကို ရရှိခဲ့ပါတယ်။ ဗလန်စီယာနဲ့ပွဲမှာ ပါဝင်လာနိုင်ချေရှိနေပါတယ်”လို့ ထုတ်ပြန်ခဲ့ပါတယ်။
ဖလစ်ရဲ့အသင်းဟာ ၂၀၂၄ – ၂၅ ရာသီအဖွင့်ပွဲမှာ ဗလန်စီယာအသင်းနဲ့ရင်ဆိုင်ရမှာဖြစ်ပါတယ်။
- Advertisement - 
